Montag, 19. Oktober 2026

Plena ye krepuskulo (Halloween-rakonto)

Plena ye krepuskulo

Halloween-rakonto




Nulu habitas plu en la domo kun la numero 9 di la strado depos la yaro 1987. Ma la lumo sur la verando ne savas to. Ol enswichesas omna vespero ye krepuskulo. E ye omna "Halloween" aparas vitra bolo ek ye la maxim supra grado di eskalero, plena de sukraji. Nula centimi-moneti.

La infanti prenas la plu longa nedireta voyo circum ta domo. Li facas tale ja depos yari. La sola infanto, qua ul-tempe acensas esas sempre nova o tarda, revanta e sempre decensas kun nur un stangeto di chokolado.

Me questionis la lasta puerino por qua la bolo esis. El respondis kun plena boko ante ke elua matro fortiris sua filiino de la grado di eskalero: "Por iti qui vartas".

Do me serchis en la interreto. Dum ka yaro 1987 puerulo mortigesis per auto-acidento ye la angulo di ca strado ye "Halloween", dum il marchis adheme en la obskureso, pro ke omma lumi dil verandi en la strado ekswichesis. Omna lumi. La matro dil mortinta puerulo lasis sua verando-lumo enswichita dum la nokto depos ca dio. Kande el mortis, la tota strado lasis enswichita la lumi por honorar el.

La vicini plenigas la bolo. Nulu de li koncesos to. Li omna, quiete lasas enswichita sua lumi ye "Halloween", e metas la bona sukraji adche la numero non.

Me pensis dum longa tempo ke to esis fantomo-rakonto.

Ma to ne esas korekta. Ol esas fakturo. La tota strado pagas ol omna oktobro e puerulo, qua marchas adheme en la obskureso depos la yaro 1987 recevas un plusa stangeto di chokolado plu ed un plusa lumizita pordo.




Keine Kommentare:

Kommentar veröffentlichen

Plena ye krepuskulo (Halloween-rakonto)

Plena ye krepuskulo Halloween-rakonto Nulu habitas plu en la domo kun la numero 9 di la strado depos la yaro 1987. Ma la lumo sur la verando...