Ne timez la pluvo! (Ido-kansono)

 Ne timez la pluvo!

"Ne timez la pluvo" esis mea unesma kansono en Ido. Ol esas pri chanji en la vivo e nova travivaji en la evo di yuneso.

La nubi preteriras grize.

Velo sur mea mentono,

Guti falas, kolde e pezoze.

La mondo cirkum me, semblas tante vakua.

Pos momente, omno tranquileskas,

Quaze la tempo haltas.

Ma ne timez la pluvo, mea kordio,

Ol efacas nur la olda doloro.

Nam pos la obskureso, quon tu sentas.

La suno riaparos rapide.

Konfidez nur, to eventos.

Pos la pluvo, tu vidos la suno.

Quale la cielo chanjas su,

Nova vento turnas la folii,

Tale chanjas anke nia vivo.

Unfoye obskura e humida,

Altrafoye klara e pura.

Nova matino expektas ni.

Ma ne timez la pluvo, mea kordio,

Ol efacas nur la olda doloro.

Nam pos la obskureso, quon tu sentas.

La suno riaparos rapide.

Konfidez nur, to eventos.

Pos la pluvo, tu vidos la suno.

Kelkafoye omno semblas esar senfine griza,

On preske ne vidas ulo  pro la lakrimi.

Ma tu savas profunde en tua mento,

Nova dio arivos balde.

Ma ne timez la pluvo, mea kordio,

Ol efacas nur la olda doloro.

Nam pos la obskureso, quon tu sentas.

La suno riaparos rapide.

Konfidez nur, to eventos.

Pos la pluvo, tu vidos la suno.

La suno venas, dolce e klare.

Obliviez quo eventis hiere.

Ne timez la pluvo... no, nultempe plus.

Me sentas la vento (Ido-kansono)

 Me sentas la vento

"Me sentas la vento" esas mea duesma rock-muziko kansono. Ca kansono esas pri esar apertita, pronta e kurioza pri la vivo e nova eventi en la vivo. 

La old pordo klozas su lente,

Un deslaut adio en la nokto,

Ma nula regreto impedas me,

La nova matino esas probo,

Me vartas an la fenestro, aspirante,

Me lasas dop me lo olda,

Me sentas dolca varmeso sur mea pelo,

La vento portas nova vivo.

Me sentas la vento,

Ol liberigas me,

La hierala timo pasis tote,

Ol portas la deziro, freshe e klare,

Susuro, qua dicas a me: Vivez nun!

Nov idei, sovaja e kurajoza,

Lasez li florifar en mea kordio,

Me sentas la vento, ol montras la voyo.

Kelkafoye me esis timida e pavorema,

Me celis me en la ombro,

Ma la brizo, fresha e kolda,

Forpulsis la old e vakua sento.

Quon ofras la vivo hodie a me?

Omna aspiro esas promiso,

Me ne mustas plus celar me.

Me sentas la vento,

Ol liberigas me,

La hierala timo pasis tote,

Ol portas la deziro, freshe e klare,

Susuro, qua dicas a me: Vivez nun!

Nov idei, sovaja e kurajoza,

Lasez li florifar en mea kordio,

Me sentas la vento, ol montras la voyo.

Adube ol portos me,

Me joyas pri la nexta dio,

Ne importas, quo eventos, me esas pronta,

Por omna nova posibleso,

La mondo es apertita, vasta e granda,

Me ne timas la futuro,

Per omna suflo, qua tushas me,

Me sentas la nova vivamo.

Me sentas la vento,

Ol liberigas me,

La hierala timo pasis tote,

Ol portas la deziro, freshe e klare,

Susuro, qua dicas a me: Vivez nun!

Nov idei, sovaja e kurajoza,

Lasez li florifar en mea kordio,

Me sentas la vento, ol montras la voyo.

La danso dil ombri (Obskuro Ido-kanto)

 La danso dil ombri

La Danso dil Ombri esas Ido rock muziko kanto. Ca kanto esas en obskura gotika dark wave stilo. Ol traktas desesperanta yunino, qua tormentesas da fantomi  ed ombri en elua mento. 

En la nebulo di mea anmo,

Dansas obskura fantomi,

Li susuras en la ombro, 

Kontrolante mea pensi,

Timo penetras mea kordio,

Me ne povas kriar laute,

La koshmaro restas sen fino,

Ombri, ombri dansez kun me,

Profunde en mea doloro,

Devorez mea espero,

Lacerez mea kordio,

Mea anmo kriegas ad amo,

Mea anmo kriegas ad amo,

Me bezonas la lumo,

Qua ruptas mea pavoro,

Qua ruptas mea pavoro,

Ombri, ombri dansez kun me.

Li devoras mea revi,

Nutras su de mea sufrado,

Precipas me aden l'abismo,

Perdita en la koldeso,

Omna nokto esas kajo,

Konstruktita ek teroro,

Me kriegas en la obskureso,

Ma nulu respondas a me.

Ombri, ombri dansez kun me,

Profunde en mea doloro,

Devorez mea espero,

Lacerez mea kordio,

Mea anmo kriegas ad amo,

Mea anmo kriegas ad amo,

Me bezonas la lumo,

Qua ruptas mea pavoro,

Qua ruptas mea pavoro,

Ombri, ombri dansez kun me.

Me bezonas tua manuo,

Qua komprenas mea doloro,

Donez me poke espero,

Qua vinkas la teroro,

Ma l'ombri tenas me fixe,

Li impedas me fugar,

Ek mea tristeso rapide,

Ne lasez me dronesar.

Ombri, ombri dansez kun me,

Profunde en mea doloro,

Devorez mea espero,

Lacerez mea kordio,

Mea anmo kriegas ad amo,

Mea anmo kriegas ad amo,

Me bezonas la lumo,

Qua ruptas mea pavoro,

Qua ruptas mea pavoro,

Ombri, ombri dansez kun me.

Venez a Potsdam! (Ido-kansono)

Venez a Potsdam!

Kansono por la internaciona Ido-konfero 2025 en Potsdam

 Joyoza kanzono por la internaciona Ido-renkontro 2025 en Potsdam (Germania). 

La blu Ido-flago fluktuas en la vento,

L' idiomo di omni vivas e prosperas,

Ni vizitos bel kasteli e drinkas kolda biro.

Ni ridas, diskutas e kantas.

Venez a Potsdam por nia Ido-renkontro,

Ube l'Idistaro nun kunsidas,

Ni parolez sempre nia bel idiomo,

Proquo tu vartas e dubitas?

Ni interkomunikas en Ido sen irga problemi,

Amikeso por ni ne esas nur vorto,

Ni renkontros nov amiki de multa landi,

L' Idistaro festos dum la tota tempo.

Venez a Potsdam por nia Ido-renkontro,

Ube l' Idistaro nun kunsidas,

Ni parolez sempre nia bel idiomo,

Proquo tu vartas e dubitas?

Venez a Potsdam por nia Ido-renkontro,

Ube l' Idistaro nun kunsidas,

Ni parolez sempre nia bel idiomo,

Proquo tu vartas e dubitas?

E dubitas

E dubitas

Ni lektas Ido-Saluto!, Adavan' e Progreso,

La fairo dil movado ne extingas,

Ni irez de Madrid a Potsdam por la konfero.

Ka tu vidas l'anciena kasteli e bela loki?

Ni plenigos nia kordii kun joyo,

La konfero esas por ni omni,

Ni vivas nia revo dum la konfero.

Venez a Potsdam por nia Ido-renkontro,

Ube l'Idistaro nun kunsidas,

Ni parolez sempre nia bel idiomo,

Proquo tu vartas e dubitas?

Venez a Potsdam, 

Por l'Ido-renkontro,

Venez a Potsdam.

La blua nokti en Finlando (Ido-kansono)

La blua nokti en Finlando

"Blua nokti en Finlando" esas melankolioza pop-muziko kanto en la internaciona helpolinguo Ido. Ol esas pri bela vakanco en Finlando e la melankolio ke la vakanco finas.  

Me pasas la somero, tante fore de heme,

Me reflektas e sentas tua respiro,

La varma aero tushas me tenere,

Mea anmo ne oblivias tu,

La remilo glitas kalme tra lo blua,

Nula ombro trublas la klar aquo,

Nur tu e me esas kurioza e libera,

Ni esas komune en la bela naturo.

Omna nokto esas blua quale revo,

La steli e la luno brilas misterioze,

Super la lago en la kurta hela nokto,

La alta birki kantas por ni marveloze,

La sauno varmigas mea pelo e mento,

Me askoltas la muziko dil ondi,

Me amas la blua nokti en Finlando,

Lakrimi dil joyo en mea okuli.

Me natas en la klar kolda lago,

Nur la foresto regardas me,

Mea anmo kantas ed exultas,

Me volas restar hike por sempre,

Omna dio esas nov aventuro,

Ma la tempo ne haltas,

La sento di eterna libereso,

Omna revo irgekande finas.

Omna nokto esas blua quale revo,

La steli e la luno brilas misterioze,

Super la lago en la kurta hela nokto,

La alta birki kantas por ni marveloze,

La sauno varmigas mea pelo e mento,

Me askoltas la muziko dil ondi,

Me amas la blua nokti en Finlando,

Lakrimi dil joyo en mea okuli.

Nun me vidas la lumi dil urbo,

La tempo dil libereso finas,

Tante forta quale la norda vento,

La melankolio en me kreskas,

Me pensas pri la blua nokti,

Me sospiras triste e laute,

Restas nur bela fotografuri,

Ma me memoras omno exakte.

Omna nokto esas blua quale revo,

La steli e la luno brilas misterioze,

Super la lago en la kurta hela nokto,

La alta birki kantas por ni marveloze,

La sauno varmigas mea pelo e mento,

Me askoltas la muziko dil ondi,

Me amas la blua nokti en Finlando,

Lakrimi dil joyo en mea okuli.

La lumo dil septembro (Ido-kansono)

La lumo dil septembro

"La Lumo dil Septembro" esas melankolioza rock-muziko kanto en la stilo New Wave en la internaciona helpolinguo Ido. Ol esas pri la fino dil somero e la arivo di autuno, kande la vetero divenas plu kolda e la memori dil bela somero paleskas.  

Me sentas la melankolio en omna pazo,

la vetero divenas pluvoza e griza, 

to esas l'adio dil bela somero,

la aero divenas fresha e kolda,

me aspiras l'obskureso dil nokto,

la tempo dil libereso finas,

l'elektrala lumo remplasigas la suno,

pro ke la krepuskulo frue arivas.

La lasta sunoradii dansas sur la pelo,

la suno divenas plu febla, 

venteto suflas ube olim esis la varmeso,

la nokti divenas plu longa,

me vidas la folii, qui velkas lente,

l'odoro di flori e la somero desaparas,

l'arbori perdas sua kolori rapide,

lasta rido an la lago, ante ke ni omni foriras.

Memori pri la maro e varma nokti,

la sento ke la tempo haltas,

me sikigas mea varma lakrimi.

la fotografuri en mea smartfono paleskas,

quale la bela somerala aventuro,

me portas lasta-foye mea sandali,

omna sun-kusho esas quale adio,

ni natas lasta-foye en la lagi.

La lasta sunoradii dansas sur la pelo,

la suno divenas plu febla, 

venteto suflas ube olim esis la varmeso,

la nokti divenas plu longa,

me vidas la folii, qui velkas lente,

l'odoro di flori e la somero desaparas,

l'arbori perdas sua kolori rapide,

lasta rido an la lago, ante ke ni omni foriras.

Balde me sidos itere en la skolo,

lektar, lernar e kalkular,

me oblivios la joyi dil somero

natar, ridar e dansar,

l'autuno frapas ye la pordo,

la somero livas tranquile,

me mustas vartar til la nexta yaro,

ma ol retrovenos quale sempre.

La lasta sunoradii dansas sur la pelo,

la suno divenas plu febla, 

venteto suflas ube olim esis la varmeso,

la nokti divenas plu longa,

me vidas la folii, qui velkas lente,

l'odoro di flori e la somero desaparas,

l'arbori perdas sua kolori rapide,

lasta rido an la lago, ante ke ni omni foriras.

Me vidas la folii, qui velkas lente,

l'odoro di flori e la somero desaparas,

l'arbori perdas sua kolori rapide,

lasta rido an la lago, ante ke ni omni foriras.

En la labirinto di mea anmo (Ido-kanto)

En la labirinto di mea anmo

"En labirinto di mea anmo " esas plura kanto en la obskura gotika dark wave rock-muziko stilo. Ol traktas 13 yari evanta puerino, qua tormentesas da interna demoni. Me uzis la kanto anke poke mea rakonto „La Makulo“.

Salvez me!

Helpez me!

Ne lasez me sola!

Me evas dek-e-tri yari e la mondo esas griza,

En la spegulo me vidas profunda cikatri,

Me sentas me tante vakua e lacerita,

En mea mento dansas l'ombri,

Kontre mea volo, li susuras mentii a me,

Omna nokto esas kombato, interna tormento,

L'obskura ali cirkumas mea kordio strete,

Kolda karcero plena de doloro.

Salvez me!

Helpez me!

Ne lasez me sola!

Ho, salvez me, ante ke me falas profunde,

Ka tu audas la voko en la obskura valo?

L'ombri ludas kun me maligne,

Me serchas lumo, ma sentas nur obskureso,

Ruptez la kateni, lasez me respirar libere.

Me esas kaptita en mea propra doloro.

Salvez me!

Helpez me!

Ne lasez me sola!

La suno-lumo esas nur masko, kolda fasado,

Me ridetas, ma mea anmo doloras,

Nebulo aparas ek mea pavoro,

Me ploras, ma la lakrimi ne helpas,

Nur me vidas la abomininda monstro,

Qua devoras  me se me ne kombatas,

La mondo turnas su, ma me vartas en la tempesto,

Quale solitara perdita puerino, qua ploras.

Pro quo me?

Pro quo me?

Pro quo me?

Ho, salvez me, ante ke me falas profunde,

Ka tu audas la voko en la obskura valo?

L'ombri ludas kun me maligne,

Me serchas lumo, ma sentas nur obskureso,

Ruptez la kateni, lasez me respirar libere,

Me esas kaptita en mea propra doloro.

Esas tro tarda nun,

Me esas perdita,

En la labirinto di mea anmo.

Ho, salvez me, ante ke me falas profunde,

Ka tu audas la voko en la obskura valo?

L'ombri ludas kun me maligne,

Me serchas lumo, ma sentas nur obskureso,

Ruptez la kateni, lasez me respirar libere,

Me esas kaptita en mea propra doloro.

Esas tro tarda nun,

Me esas perdita,

En la labirinto di mea anmo.

La unikorno salutas (somero-rakonto)

 La unikorno salutas

Tandem vakanci! Me audis per mea smartfono adminime dekfoye mea preferata somero kanzono „Somero, suno, Ido!“ e me dansis en mea chambro avan la spegulo.

La vetero esis varmega e mea maxim bona amikino Laura skribabis a me hiere: „Ni renkontros morge ye tri kloki posdimeze avan la balnerio kun Nicole.“ Nicole esis anke mea samklasanino e ni tri esis bona trio e ridis multe kune.

Me ja preparis omno bone: balno-toalo, locionajo kontre la suno, aquo-botelo e la nova numero dil Ido-Saluto. Me decidis ke esas plu bone metar la malyoto antee. Do me ne mustos chanjar mea vestaro en la balnerio. Ma me mustis konstatar ke mea nova eleganta blua malyoto ankore esis humida de hiere. Konseque me mustis uzar mea olda malyoto. Bikinio ne esis bona alternativo, pro ke en la balnerio esis tro multa homi e me ne sentis me bone ibe en bikinio. La olda malyoto esis nun poke infantatra. La malyoto esis rozea e havis imprimigita imajo di blanka unikorno. Nun, me evis 14 yari e ca motivo esis poke ridinda por mea evo. Me pensis, ke to ne esis problemo pro ke ni esis nur inter ni yunini e certe ni povos ridar pri to kune. Ultre to me metis bunta t-kamiso e kurta blanka pantalono super la malyoto. Me kunligis mea longa bruna hararo a kavalo-kaudo. Me stacis avan la spegulo e dicis a me ipsa: „Emma, to esas perfekta por la balnerio“.

Me esis ja survoye kande mea posh-telefonilo sonis. Me haltis e regardis mea smartfono. Nova mesajo da Laura: „Ni manjos kremo-glacio che la 'Florida' ye tri kloki.“ Me sospiris e chanjis la direciono. Do ne direte al balnerio, ma al 'Florida' en Tegel.

Kande me arivis per mea biciklo, me ja vidis Nicole e Laura. Eli signifis per la manuo a me. Ma lore venis la shoko. Eli ne esis sola, ibe anke esis Jan e Felix. Jan! Mea kordio palpitis plu rapide pro ke me esis sekrete poke amoroza ad il. Nur poke! Vere!

Kande me vidis mea amikini me pavoreskis. La altra yunini portis bela somero-robi e kolorigabis sua labii. Eli aspektis eleganta. E me aspektis quale la leda juniora fratino di eli. Jan weris eleganta nigra polo-kamiso, qua bone fitis a sua blonda hararo. Mea amikini kuafabis sua hararo bele e me portis mea hararo nur en simpla kavalo-kaudo. Me shamis me pri to e me preferus irar quik adheme, ma nun esis tro tarda.

Laura regardis fixe a me: "Ka tu ne lektis mea mesaji, Emma?"

Me questionis surprizita: "Yes, certe. Pro quo?"

El susuris aden mea orelo: "Me skribis, ke ni iras manjar kremo-glacio e ke Jan e Felix akompanos ni e ke la balnerio esas hodie klozita pro teknikala problemi."

Me regardis ad el: "Ka tu sendis du mesaji?"

Laura inklinis la kapo. Me sospiris e susuris: "Quo? La balnerio esas klozita! No, me recevis nur tua unesma mesajo."

Me kontrolis mea smartfono. E vere! Esis duesma mesajo quan me ne lektis pro ke me ne havis telefono-reto en la foresto.

Me glutis, nun me komprenis la tota situeso. Me nun mustis sidar dum manjar kremo-glacio apud Jan.

Me esis tre nervoza e ne parolis multe en la Florida. Me ne provis movar me multe, por ke Jan ne devis vidar la stulta malyoto. La balno-kostumo esis vere streta en kelka parti di mea korpo. Me mustis konstatar ke ol esis tre nekomoda ed anke esis tro varma por sidar en restorerio. Ni mustis sidar en la suno pro ke esis multa personi en la Florida. Do mea kapo redeskis e me sudorifis plu e plu. Me mustus desmetar la T-kamiso, to esus la solvuro, ma lore Jan e la altra amiki vidus mea infantatra malyoto. Quon me povis facar? Me regardis mea saketo. Esis nur mea balno-toalo, mea locionajo kontre la suno e mea revuo. Nula altra vesti. Me ne prenis kun me vesti por chanjar. Do me mustis restar en mea olda unikorno-malyoto dum la tota jorno.

Me komendis bulo de frago-kremo-glacio e probis me kondutar normale. Jan naracis ulo e me koncentris me ad il e regardis il. Ca yunulo vere aspektis bone e povis bele parolar. Me ridetis dolce revante. Lore eventis la maxim granda posibla acidento. Subite guto de ja liquideskinta kremo-glacio falis sur mea T-kamiso. Sen pensar me levis ol por ne lasar la reda glacio fluar aden mea blanka kurta pantalono. To esis granda eroro. Por instanto omni povis vidar mea infantatra malyoto. La blanka unikorno quaze salutis li.

Unesme omni tacis, ma subite Nicole rideskis laute e me vidis ke la okuli di Jan plugrandigis su ed anke il e Felix mustis ridar. Laura vidis a me serioze e dicis: "Pro quo tu portis malyoto?" Subite el helpis me netigar mea vestaro per tuko, ma esis tro tarda. Me desmetis la T-kamiso e nun me sidis an la tablo en mea malyoto kun unikorno. Forsan la unikorno nun anke ridis.

Me preske ploreskis e me vokis: "Pro ke me pensis ke ni iras natar. Me ne lektis la duesma parto di tua mesajo quale tu savas."

Anke ye la altra tabli plura personi gapis a me. To esis vera katastrofo. Felix mem facis stulta joko e dicis: "Mea juniora fratino havis simila malyoto, ma el evis sep yari."

Nicole e Laura mustis ridar, ma Jan dicis: "Emma aspektas bela ed anke me preferus natar nun. Me anke portas balno-kalsono sub mea kurta pantalono. Forsan ni povas irar al lago?"

Mea amiki diskutis ca propozo e li tote obliviis mea malyoto. Me iris a la balno-chambro dil restorerio por netigar me e sikigar mea lakrimi. Kande me retrovenis, la tota afero esis ja obliviita. Me regardis gratitudoze a Jan. En ca instanto me komprenis ke il esis multe plu jentila kam me pensabis antee. Me kredis ke la unikorno konsentis.

Suno, somero, Ido! (Ido-kansono)

Suno, somero, Ido!

Somerala Ido-kansono che YouTube

"Suno, somero, Ido!" esas pop-muziko kansono. La kansono esas segun la stilo Euro-pop danso kansono por festar la somero. Me itere kreis la muziko dil kanto per la helpo dil programo Suno kun artificala inteligenteso, ma kompreneble me itere skriptis ipsa la texto.  La video havas subtituli in Ido, ma serchez ad "Esperanto" en la selekto dil subtituli  pro ke YouTube ne havas Ido en la menuo. Me deziras a vi bela somero 2026!

!

Esas tempor por: 

Suno! 

Somero!

Ido! 

Yes! Yes! Yes!

Tandem arivis la vakanci,

tempo por mea amiki, 

nula skolo, nula laboro, / 

nun komencas la joyo. 

La suno brilas en la cielo,

me audas la bela muziko, 

la maro vokas me, 

me kantas laute.

Suno, somero, Ido! 

Dansez kun me til la matino, 

sub la suno, sub la luno, 

festar sur plajo, sidar en la sablo. 

Vakanci en la somero, 

natar en la blua maro. 

Ka bikinio o malyoto, 

esas la sola importanta decido! 

Varma vento sur mea vizajo, 

an la varma blua maro, 

sablo sub mea pedi,

kisar sub la steli. 

Forsan venas nov amoro, 

la dolca tempo dil yuneso,

me sentas la varmega kisi, 

me prizas bella kanti. 

Suno, somero, Ido! 

Dansez kun me til la matino, 

sub la suno, sub la luno, 

festar sur plajo, sidar en la sablo. 

Vakanci en la somero, 

natar en la blua maro. 

Ka bikinio o malyoto, 

esas la sola importanta decido! 

La nokto venas lente, 

la muziko finas tro rapide, 

sub la luno ni dansas,

til la suno ribrilas. 

Suno, somero, Ido! 

Dansez kun me til la matino, 

sub la suno, sub la luno, 

festar sur plajo, sidar en la sablo. 

Vakanci en la somero, 

natar en la blua maro. 

Ka bikinio o malyoto, 

esas la sola importanta decido! 

Esas tempor por: 

Suno!  

Somero! 

Ido! 

Yes! Yes! Yes!

La gardeno (Rakonto)

La gardeno

Me nomesas Emma e me evas 14 yari. Me esis survoye adheme de mea baleto-leciono. Me prenis la streta stradeto tra la domi, pro ke ca voyo esas plu rapida kam la granda strado tra la quartero. Inter la anciena domi esis sempre streta e me sentis me quale me esis en altra tempo. Muri ek stono e mikra traireyo ye la fino dil muro. Esis sempre la sama.

Adminine til hodie.

Me haltis. Subite me vidis gardeno, ma hike esis sempre la fino dil muro. Nur kolda stoni. E nun? Gardeno! To ne esas posibla.

Me regardis fixe vers la gardeno sen vere komprenar quon me vidas.

Densa gazono. Bedi kun flori ye la bordo e kelka obliqua arbori. Inter la arbori stacis anciena benko ek ligno. La induturo ja esis pala e matida. On ne povis plus dicar quala koloro ca benko olim havis.

Ma la maxim stranja kozo esis ke sur la benko sidis olda viro. Forsan sisadek yari o mem plu evoza. Il portis simpla vestono. La manui jacis sur sua genui. Il sidis kalme sur la benko e tacis.

„Qua esas vu?“, me questionis poke timeme. „Me ne konocas vu!“, me adjuntas quik.

Il regardis a me e poke subridis.

„Ma, me konocas tu.“,

Subite me sentis koldeso en mea korpo quankam esis varma printempala jorno. Mea korpo e mea mento perceptis ke hike ulo ne esis en ordino.

„Me nultempe vidis vu. Ed anke ca gardeno nultempe esis hike. To ne esas posibla“, me dicis. Mea voco sonis poke tro akute. „Hike esis nur muro. Sempre!“ Me preske klamis.

Me turnis me kurte. La traireyo esis ankore hike. Stono. Streta. Exakte quale me konocis ol. Omno esis korekta. Ma to quo esis dope: Ca gardeno. Ol ne povis existar!

„Quo esas to?“, me questionis nelaute. Me preske susuris.

La viro regardis fixe vers me.

„To esas gardeno“, il respondis koncize.

Ma tala respondo ne esis helpema! Tote ne!

„Pro quo me esas hike?“, me questionis konfuzigita.

„Pro ke tu trovis ca loko“, il respondis sen irga sentimento.

Me retropazis poke.

„Me ne konocas vu“, me repetis. Ca-foye me esis min certe pri to.

„No, tu ja esis hike“, il dicis kalme.

La vento suflis tra la flori.

Erste nun me perceptis ke me tenis irgo en mea dextra manuo.

Flava floro.

Me regardis fixe al floro.

„La floro ne esas hike“, me dicis nelaute.

La viro regardis kurte a la floro e pose a me e replikis: „Yes, tu koliis ol.“

Me sukusis la kapo.

„No, vu mentias!“, me klamis laute.

Ma profunde en mea mento me ne esis vere certe pri to.

La viro tacis por kelka sekundi.

„To sempre finas tale. Regretinde“, il dicis poke triste e sospiris.

Me palpebragis. Me volis respondar irgo, ma subite la mondo turnis su cirkum me.

Me klozigis mea okuli. Semblis a me ke la mondo ne esis plus stabila. Irgo chanjis.

Pos kelka sekundi me apertigis la okuli e me ne vidis plus la gardeno. Nur la muro esis hike e la streta traireyo. Omno esis normala. Nula gardeno, nula viro.

Me stacis sole avan la muro.

Tamen en mea manuo esas irgo.

La flava floro.

Me ne esis certa, ke me vere koliis ol.

Maxim bona amikini (Ido-kanto)

Maxim bona amikini

Ido-kanto che YouTube

"Maxim bona amikini" esas alternativa rock-muziko kanzono en la gotiko-stilo. Ol inspiresis dal e referas al hororo-filmo "Jennifer's Body" (La korpo di Jennifer, 2009). "Maxim bona amikini" esas obskura e sentimentoza balado inspirita dal amikeso inter Jennifer e "Needy" (Anita) en la filmo. La kanzono naracesas de la perspektivo di Needy e reflektas pri la tragediala relato inter la maxim bona amikini. Me itere kreis la muziko dil kanto per la helpo dil programo Suno kun artificala inteligenteso, ma kompreneble me itere skriptis ipsa la texto. La video havas subtituli in Ido.

Jennifer!

Jennifer!

Jennifer!

Me ne volis ca hororo, 

mea maxim bona amikino.

Pardonez me! 

Amikini por sempre,

mea Jennifer! 

Omni vidis nur tua brilo, 

me restis en la ombro. 

Tu esis mea klara stelo, 

mea lumo en obskura nokto. 

Tamen profunde en mea kordio, 

brulas fairo e pasiono.

Ni esas la maxim bona amikini por sempre,

ho Jennifer, me nultempe oblivios tu.

Ni esas la maxim bona amikini por sempre, 

ho Jennifer, me nultempe oblivios tu. 

Nomez me senvalora, 

nomez me febla,  

ma kune ni esas forta,

e nevinkebla. 

Nam ita magiala nokto, chanjis omno. 

Me esas nun altra persono. 

Nomez me timida, nomez me griza, 

me transvivis e nun me esas pronta. 

Ni esas la maxim bona amikini por sempre,

ho Jennifer, me nultempe oblivios tu.

Ni esas la maxim bona amikini por sempre, 

ho Jennifer, me nultempe oblivios tu. 

Me lektis en tua mento, 

quale en apertita libro. 

Nulo povas separar ni, 

nek la morto, nek ili. 

Ili misuzis tu por esar famoza, 

ili sakrifikis tu por esar richa. 

L'akuta kultelo adportis yusteso, 

la sulo esis redega pro ilia sango. 

Ni esas la maxim bona amikini por sempre,

ho Jennifer, me nultempe oblivios tu.

Ni esas la maxim bona amikini por sempre, 

ho Jennifer, me nultempe oblivios tu. 

Jennifer!

Jennifer!

Jennifer!

Me ne volis ca hororo, 

mea maxim bona amikino.

Pardonez me! 

Amikini por sempre,

mea Jennifer! 

"Mo.

L'ombri preterpasas (Ido-kanto)

L'ombri preterpasas

Ido-kanto che You Tube

"L'Ombri Preterpasas " esas gotika rock-muziko kanto. Me itere kreis la muziko dil kanto per la helpo dil programo Suno kun artificala inteligenteso, ma kompreneble me itere skriptis ipsa la texto. La video havas subtituli in Ido.

Me vidas li, 
li vidas me.
Obskura ombri, 
li ridas laute.

L' ombri preterpasas, 
quale mea vivo.
L'ombri furtas,
mea joyo e rido. 

L' ombri preterpasas, 
quale mea vivo. 
L'ombri furtas, 
mea joyo e rido.

Ka to esas nur koshmaro?
Ka to esas reala? 
Ka to esas la vereso? 
Obskura e doloroza. 

L' ombri preterpasas, 
quale mea vivo.
L'ombri furtas,
mea joyo e rido.

Sikigez mea lakrimi!
Donez a me espero! 
Tenez mea manui! 
Montrez a me la voyo!

L' ombri preterpasas, 
quale mea vivo.
L'ombri furtas,
mea joyo e rido.

L' ombri preterpasas, 
quale mea vivo.
L'ombri furtas,
mea joyo e rido.

L' ombri preterpasas, 
quale mea vivo.
L'ombri furtas,
mea joyo e rido.

L' ombri preterpasas, 
quale mea vivo.
L'ombri furtas,
mea joyo e rido.

li vi

En la griza urbo (Ido-kanto)

En la grizo urbo

Ido-kanto che YouTube

"En la griza urbo " esas plura kanto en la melakolioza gotika rock-muziko kanto. Me itere kreis la muziko dil kanto per la helpo dil programo Suno kun artificiala inteligenteso, ma kompreneble me itere skriptis ipsa la texto.  La video havas subtituli in Ido.

Sub la griza urbo, me marchas sen fino, 

Homi preterpasas, ma li ne vidas me. 

Vento suflas tra la stradi, glacio en mea kordio, 

Mea kordio esas sola, sen tua manuo longatempe.

Ho, tu desaparis ek mea kordio,

Obskura lumo brulas en mea anmo varmege. 

Me ploras inter ombri sen voyo, 

ma tu ne esas plus hike. 

Arficala lumo blindigas mea okuli,

Lakrimi sur mea vizajo e la strado tacas, 

La voco dil pasinteso kantas inter la muri, 

Me memoras tua rideto, ma tu ne retrovenas. 

 

Ho, tu desaparis ek mea kordio,

Obskura lumo brulas en mea anmo varmege. 

Me ploras inter ombri sen voyo, 

ma tu ne esas plus hike.

Pluvo falas sur la betono quale mea lakrimi, 

Me respiras kolde, ma me sentas nulo. 

Muri susuras okskura sekreti, 

Me vagas tra la ombro, sen irga skopo.  

Ho, tu desaparis ek mea kordio, 

Obskura lumo brulas en mea anmo varmege. 

Me ploras inter ombri sen voyo, 

ma tu ne esas plus hike.