Skotia (Poemo di dek-e-un vorti)

Skotia

Poemo di dek-e-un vorti

Skotia

Marveloza lando

Monti kasteli fyordi

Admirar la bela peizajo

Magio

Somero (poemo di dek-e-un vorti)

 Somero

Poemo di dek-e-un vorti

Somero

Longa jorni

La suno brilas

Natar en la lago

Varmeso

La Fino di Vintro (Poemo)

La Fino di Vintro

La blanka nivo desaparas,

Me vidas la verda prati,

La griza glacio desfrostas,

Me vidas la blua lagi.

La nebulo nun dis-solvesas,

Sun-radii blindigas me,

La mordanta koldeso cedas,

Printempo arivos tre balde.

Ka tu audas la bela uceli?

La silenco tandem finas,

Oli kantas gaye nur por ni.

Mea kordieto joyas.

Me regardas longe al suno,

e me volas kalme dansar.

En la belega flava lumo,

e me volas laute kantar.

Ho, kolda glacioza vintro,

tua tempo pasis finfine.

Ho, kara joyoza printempo,

tu mustez restar por sempre!

Halloween-Haikuo (Originala poemeto)

 Me skriptis mikra Haikuo pri Halloween.

HALLOWEEN-HAIKUO

Kukurbit' lumas,

Dolcaji demandesas,

Spiriti dancas.

Dum la voyajo (Poemo da David Adam)

Dum la voyajo

Me trovis ca poemo en la kirko dil Finlandana urbeto Raahe en agosto 2025.

La Sioro esez che tu, kande tu forias,

E lu benedikez tu, kande tu rivenis,

Adirgube tu iros, tu esos sempre en lua prezenteso.

Deo akompanas tu dum tua voyajo,

Tu moveskez per la forco di Deo,

Deo esas che tu sur omna voyi,

Lu protektas tu de omna danjeri,

Lu gardas tua korpo e tua anmo,

Yaro pos yaro lu esas tua protekto.

Anjelo (Poemo traduktita de la Germana)

 En kirko me trovis poemo. La autoro ne esas konocata. Me tradukis ol de la German ad Ido.

Anjelo

Anjelo,

En mea proximeso,

Nevidebla,

Netushebla,

Celite,

Tamen reala,

En mea vivo,

Kuriero di Deo,

Inter la mondi,

Protektanta helpo,

Prezenta,

Certeso,

Mea Deo,

Tu,

Savas pri me,

Mea komenco,

Mea fino.

Anjelo,

En mea proximeso,

Ridedanta,

Kurajiva,

Helplema,

Neremarkebla prezenta,

En la omnadiala vivo,

Stranjero,

Amiko,

Tu,

En la lasta momento,

Signo,

Da Tu.

Mea Deo,

Tu ne lasas me sola.

Me skriptis poemeto pri la autuno, ma me mustas konfesar ke me tote ne prizas la autuno. Forsan on povas vidar mea autunala melankalio anke en me poemeto.

La Spirito di Autuno

Ube esas mea somero?

Me serchas en la nebulo,

Ma l'autuno venis deslaute,

Ca tristega sezono por me.

La nokti nun esas longa,

La jorni nun esas kurta,

Nebulo obskurigas la suno,

Koldeso penetras mea korpo.

La homi tacas, ne volas parolar,

Li ne joyas, ne povas ridar,

La vestaro esas plu dika,

La pelo divenas plu pala.